சகல சு.க அமைப்பாளருக்கும் தலா ரூ 100மில். நிதி ஒதுக்கீடு

கிராம மக்களின் முக்கிய பிரச்சினைகளைத் தீர்த்து கிராமங்களை எழுச்சி பெறச் செய்யும் நோக்குடன் ஸ்ரீ லங்கா சுதந்திரக் கட்சி அமைப்பாளர்கள் ஒவ்வொருவருக்கும் தலா 100 மில்லின் ரூபா வீதம் ஒதுக்கப்பட்டுள்ளது. நாடு முழுவதிலுமுள்ள 168 தொகுதிகளின் அமைப்பாளர்களுக்கு இந்த நிதி ஒதுக்கி கொடுக்கப்பட்டுள்ளதோடு அப்பணத்தின் மூலம் பாரிய அபிவிருத்தி பணிகளை செவ்வனே முன்னெடுக்க அரிய சந்தர்ப்பம் கிடைத்துள்ளதாக அமைச்சர் மஹிந்த சமரசிங்க தெரிவித்தார். பேருவளை ஸ்ரீ லங்கா சுதந்திரக் கட்சி மத்திய அமைப்பின் விஷேட கூட்டம் நேற்று ஞாயிற்றுக்கிழமை பேருவளை மரக்கலாவத்த ஸாரா மண்டபத்தில் நடைபெற்றது. இக்கூட்டத்தில் கலந்து கொண்டு உரையாற்றும் போது அமைச்சர் இவ்வாறு கூறினார். அமைப்பாளர் எம்.எம்.எம் அம்ஜாத் தலைமையில் நடைபெற்ற இக்கூட்டத்தில் அமைச்சர் மஹிந்த சமரசிங்க மேலும் கூறியதாவது: ஜனாதிபதித் தேர்தலில் மஹிந்த ராஜபக்ஷ எமக்கு எந்த விதத்திலும் சவாலாக இருக்காது. ஜனாதிபதித்…

Read More

பதுளையில் வர்த்தக நிலையத்தில் தீ

கட்டடம் எரிந்து நாசம்; உரிமையாளர் பலி பதுளை – கொக்கோவத்தை வீதியிலுள்ள இரு வாகன உதிரிப்பாகங்கள் விற்பனை நிலையங்கள் நேற்று (12) அதிகாலை ஏற்பட்ட தீ விபத்தில் உரிமையாளர் ஒருவர் பலியானதுடன் கட்டடமும் முற்று முழுதாக தீக்கிரையாகியுள்ளன. மரணமடைந்தவர் 48 வயது துமீர றேமந்தகுமார என்பவராவார். கடும் தீக்காயங்களுக்குள்ளான நிலையில் பதுளை மருத்துவமனையில் அனுமதிக்கப்பட்டு சிகிச்சை பயனளிக்காமல் இவர் மரணமானாகியுள்ளார். இத் தீ சம்பவத்தினால் ஒரு கோடி ரூபாவுக்கு மேல் நஷ்டம் ஏற்பட்டுள்ளதாக தெரிவிக்கப்படுகிறது. தீ ஏற்பட்டதையடுத்து அங்கு விரைந்த பதுளை மாநகர சபை தீ அணைப்புப் படையினர் ஏனைய வர்த்தக நிலையங்களுக்கும் தீ பரவுவதை தடுத்துள்ளனர். தீ ஏற்பட்ட வேளையில் குறிப்பிட்ட வர்த்தக நிலையத்திற்குள் பாரிய வெடிப்பு சத்தமும் ஏற்பட்டதாக பதுளை பொலிசார் ஊர்ஜிதம் செய்துள்ளனர். கைக்குண்டு ஏதும் வெடித்திருக்கலாம் என்ற சந்தேகமும் வலுப்பெற்றுள்ளது. இத்…

Read More

பேராதனைப் பல்கலைக்கழகத்தின் கல்வி நடவடிக்கைகள் ஆரம்பம்

பேராதனைப் பல்கலைக்கழக பீடங்களின் கல்வி நடவடிக்கைகள் இன்று (13) ஆரம்பமாகவுள்ளன. மருத்துவ பீடம், பல்வைத்திய பீடம், விவசாய பீடம் ஆகிய பீடங்களே இன்று திறக்கப்படவுள்ளன. எனினும், முகாமைத்துவம் மற்றும் கலைப் பீடங்கள் எதிர்வரும் 20 ஆம் திகதி திறக்கப்படும் பேராதனைப் பல்கலைக்கழகத்தின் துணைவேந்தர், பேராசிரியர் உபுல் பீ திசாநாயக்க தெரிவித்துள்ளார். ஏனைய பீடங்கள், பீடாதிபதிகளின் தீர்மானத்திற்கு அமைய திறப்பதற்கு அனுமதி வழங்கப்பட்டுள்ளதாகவும் அவர் கூறியுள்ளார். பேராதனைப் பல்கலைக்கழகத்தின் பொறியியல் பீடத்தைத் திறக்கும் தினம் தொடர்பில் அடுத்த வாரம் நடைபெறவுள்ள பேச்சுவார்த்தை மூலம் தீர்மானிக்கப்படும் என பேராதனைப் பல்கலைக்கழகத்தின் துணைவேந்தர் மேலும் குறிப்பிட்டுள்ளார்.

Read More

சிரிய குண்டுத் தாக்குதலில் 39 பேர் பலி

சிரியாவின் இட்லிப் மாகாணத்தில் இடம்பெற்ற குண்டுவெடிப்பில் சிக்கி சிறுவர்கள் உட்பட குறைந்தது 39 பேர் கொல்லப்பட்டுள்ளதாகத் தகவல்கள் தெரிவிக்கின்றன. குறித்த தாக்குதலில் சிக்கியவர்களில் இன்னும் பலரைக் காணவில்லை என கண்காணிப்பகம் தெரிவித்துள்ளது. கிளர்ச்சியாளர்கள் வசமுள்ள ஒவ்வொரு பகுதிகளாகக் கைப்பற்றிவருகின்ற சிரிய இராணுவத்தினர், அடுத்ததாக இட்லிப் மாகாணத்தைக் கைப்பற்றுவதற்கு எதிர்பார்த்துள்ளனர். ரஷ்ய மற்றும் ஈரானிய படையினரின் ஆதரவுடன் செயற்படும் சிரிய இராணுவம், அண்மைய மாதங்களாக கிளர்ச்சியாளர்களை இலக்கு வைத்து பல தாக்குதல்களை நடத்தியுள்ளது.

Read More

ஜனாதிபதி – –தொழிற்சங்கம் பேச்சு; ரயில்வே வேலைநிறுத்தம் முடிவு

ரயில்வே தொழிற்சங்கம் முன்னெடுத்திருந்த வேலைநிறுத்தப் போராட்டம் நேற்று கைவிடப்பட்டது. ஜனாதிபதி மைத்திரிபால சிறிசேனவுடன் தொழிற்சங்கங்கள் நடத்திய பேச்சுவார்த்தையைத் தொடர்ந்தே இந்த வேலைநிறுத்தம் கைவிடப்பட்டது. ஜனாதிபதியுடனான சந்திப்பு நேற்று பொலனறுவையில் நடைபெற்றது. இச்சந்திப்பில் தமது தரப்பில் முன்வைக்கப்பட்ட கோரிக்கைகளுக்கு ஜனாதிபதி இணக்கம் தெரிவித்திருந்ததாக ‘லொக்கோமோடிவ்’ சாரதிகள் சங்கத்தின் செயலாளர் இந்திக்க தொடங்கொட தெரிவித்தார். ஜனாதிபதி வழங்கிய இணக்கப்பாட்டைத் தொடர்ந்து வேலைநிறுத்தத்தை கைவிட்டு பணிக்குத் திரும்பத் திட்டமிட்டிருப்பதாக அவர் குறிப்பிட்டார்.இதற்கமைய ரயில் சேவைகள் இன்று வழமைக்கு திரும்புமென எதிர்பார்க்கப்படுகிறது. சம்பள உயர்வுக்காக சமர்ப்பிக்கப்பட்ட அமைச்சரவைப் பத்திரம் தொடர்பில் ஜனாதிபதியிடமிருந்து தமக்கு சாதகமான பதில் வழங்கப்பட்டதாக ரயில்வே தொழிற்சங்கத்தின் இணை அமைப்பாளர் லால் ஆரியரட்ன தெரிவித்தார். வேலைநிறுத்தப் போராட்டம் கைவிடப்பட்டதும் நேற்று நண்பகல் முதல் ரயில் சேவைகள் ஆரம்பிக்கப்பட்டன. இன்று காலை முதல் சகல ரயில் சேவைகளும் வழமைக்கும் திரும்பிவிடும் என…

Read More

தாய்வான் வைத்தியசாலையில் பரவிய தீயால் 9 பேர் பலி

தாய்வானின் நியூ தய்பேய் நகரில் (New Taipei City) உள்ள வைத்தியசாலையில் பரவிய தீயில் சிக்கி குறைந்தது 9 பேர் பலியாகியுள்ளதாக அந்நாட்டு அரச செய்தி நிறுவனம் தெரிவித்துள்ளது. இந்தச் சம்பவத்தில் காயமடைந்த நோயாளர்கள், பணியாளர்கள் உள்ளிட்டோரின் நிலை கவலைக்கிடமாக உள்ளதெனக் கூறப்படுகின்றது. இன்று (13) காலை வைத்தியசாலையின் 7ஆவது மாடியிலுள்ள வாட்டில் (Ward) தீ பரவியுள்ளதாகக் கூறப்படுகின்றது. தீ பரவியமைக்கான காரணம் இதுவரையில் தெரியாதபோதிலும், நகரக்கூடிய கட்டில் ஒன்றில் ஏற்பட்ட மின்சாரக் கோளாறினால் தீ பரவ ஆரம்பித்திருக்கலாம் என ஊடகங்கள் சில தெரிவித்துள்ளன. 2012ஆம் ஆண்டு குறித்த வைத்தியசாலையில் ஏற்பட்ட தீயால் 12 நோயாளர்கள் பலியானதோடு, குறைந்தது 60க்கும் அதிகமானோர் காயமடைந்தமை குறிப்பிடத்தக்கது.

Read More

தோட்ட மக்கள் சொந்த நிலத்தில் சகல உரிமைகளுடனும் வாழ திட்டங்கள் வகுப்பு

நாம் ஆட்சியை கைப்பற்றி மூன்று ஆண்டுகளே ஆகின்றது. இந்த நிலையில் நாட்டின் கடன் சுமையை கொஞ்சம் கொஞ்சமாக குறைத்து நாட்டை அபிவிருத்தி பாதையில் கொண்டு செல்வோம். நாம் ஆட்சியை கைப்பற்றியது விளிம்புநிலை மக்களை உயர்நிலைக்கு கொண்டு செல்வதற்கும் நாட்டை அபிவிருத்தியில் முன்னெடுத்து செல்வதற்கும் ஆகும் என பிரதமர் ரணில் விக்கிரமசிங்க தெரிவித்தார். இந்திய அரசாங்கத்தின் நிதி உதவியில் பூண்டுலோயா டன்சினன் தோட்டத்தில் அமைக்கப்பட்டுள்ள மகாத்மா காந்தி புரம் கிராமத்தை பயனாளிகளுக்கு கையளிக்கும் நிகழ்வில் பிரதம அதிதியாக கலந்து கொண்டு உரையாற்றுகையில் அவர் இவ்வாறு தெரிவித்தார். அவர் மேலும் தெரிவித்ததாவது, மகாத்மா காந்தி இலங்கைக்கு விஜயத்தை மேற்கொண்ட காலத்தில் மலையக மக்கள் மீது விசேட கவனம் செலுத்தினார். அதன் நினைவாக இன்று மகாத்மா காந்தியின் பெயரால் டன்சினன் தோட்டத்தில் அமைக்கப்பட்டுள்ள இந்திய வீடமைப்பு கிராமத்திற்கு அவரின் பெயர் சூட்டப்பட்டுள்ளது.…

Read More

காணி உரிமைக்கான மலையக மக்களின் பயணத்தில் இந்தியா துணை நிற்கும்

இந்தியாவில் பிறந்து இலங்கையில் வாழ்ந்து வரும் மலையக மக்கள் இரு நாடுகளுக்கிடையில் நட்பை வலுப்படுத்துவதுடன் நேசத்திற்கும் காரணமாக இருக்கின்றார்கள் என இந்திய பிரதமர் நரேந்திர மோடி பூண்டுலோயா டன்சினன் தோட்டத்தில் நேற்று (12) நடந்த வீடுகள் கையளிக்கும் நிகழ்வில் தெரிவித்தார். இந்திய அரசாங்கத்தின் நிதி உதவியுடன் அமைக்கப்பட்ட ‘மகாத்மா காந்தி புரம்’ புதிய கிராமத்தின் தனி வீடுகள் மக்களிடம் கையளிக்கும் விழாவில் இந்தியாவிலிருந்து காணொளி மூலம் நேரடியாக உரையாற்றுகையிலேயே இவ்வாறு அவர் தெரிவித்தார். அங்கு அவர் மேலும் கூறியதாவது, கடந்த வருடம் ஹற்றனுக்கு வந்த பொழுது நீங்கள் எனக்கு அளித்த வரவேற்பின் உற்சாகம் என் மனதில் பசுமையான நிகழ்வாக உள்ளது. நண்பர்களே உங்களின் நுற்றுக்கணக்கானோர் இந்திய வீடமைப்பு திட்டத்தின் கீழ் நிர்மாணிக்கப்பட்ட வீடுகளை பெற்றுக்கொள்கின்றீர்கள். நாம் புதிய எதிர்காலத்தை உருவாக்கியுள்ளோம். இந்திய இலங்கையின் நட்புறவில் பரிமாணம் இதுவாகும்.…

Read More

சிங்கப்பூர் வர்த்தக ஒப்பந்தம் குறித்து ஆராய்ந்து அறிக்கையிட விசேட குழு

இலங்கை – சிங்கப்பூர் சுதந்திர வர்த்தக ஒப்பந்தம் பற்றி ஆராய்ந்து அறிக்கை சமர்ப்பிப்பதற்கு ஜனாதிபதி மைத்ரிபால சிறிசேனவினால் சுயாதீன நிபுணர்களைக் கொண்ட குழுவொன்று நியமிக்கப்பட்டுள்ளது. இந்த ஒப்பந்தம் தொடர்பில் பல்வேறு தரப்பிடமிருந்தும் ஜனாதிபதிக்கு கிடைத்துள்ள கருத்துக்களை கவனத்திற்கொண்டு ஜனாதிபதியினால் இக்குழு நியமிக்கப்பட்டுள்ளது. கொழும்பு பல்கலைக்கழகத்தின் முன்னாள் உபவேந்தர் ஓய்வுபெற்ற பொருளியல் துறை பேராசிரியர் தேசமான்ய டபிள்யு.டீ. லக்ஷ்மன் இக்குழுவின் தலைவராக நியமிக்கப்பட்டுள்ளதுடன், இலங்கை திறந்த பல்கலைக்கழக்கத்தின் பொருளியல் துறை முன்னாள் பேராசிரியர் சிறிமெவன் கொழம்பகே, களனி பல்கலைக்கழகத்தின் பொருளியல் துறை முன்னாள் பேராசிரியர் அஜிதா தென்னகோன், சுயாதீன ஆலோசகர் கலாநிதி சனத் ஜயனெத்தி, இலங்கை மத்திய வங்கியின் முன்னாள் உதவி ஆளுநர் ஆர்.ஏ. ஜயதிஸ்ஸ ஆகியோர் இக்குழுவின் உறுப்பினர்கள் ஆவர். இலங்கை சிங்கப்பூர் வர்த்தக உடன்படிக்கை தொடர்பில் விசேட கவனம் செலுத்தி முன்மொழியப்பட்டுள்ள புதிய வர்த்தக கொள்கையின்…

Read More

அமெரிக்காவிற்கு பதிலடி கொடுக்கப்படும்: துருக்கி எச்சரிக்கை

அமெரிக்க ஜனாதிபதி டொனால்ட் டிரம்பினால் துருக்கி மீது விதிக்கப்பட்டுள்ள பொருளாதார தடையினை தொடர்ந்து துருக்கியின் பணமான லிரா, அமெரிக்காவின் டொலர் மதிப்புக்கு எதிராக கடுமையாக வீழ்ச்சி கண்டுள்ளது. துருக்கியிலிருந்து இறக்குமதி செய்யப்படும் இரும்பு மற்றும் அலுமினியத்துக்கான வரி விதிப்பை டிரம்ப் 2 மடங்காக அதிகரித்துள்ளார். இதனால் துருக்கியின் பணமான ‘லிரா’ அமெரிக்காவின் டொலர் மதிப்பிற்கு எதிராக 13 சதவீதம் வீழ்ச்சி அடைந்துள்ளது. இதேவேளை, அமெரிக்காவின் குறித்த முடிவு இரு நாடுகளுக்கும் இடையிலான உறவை பாதிக்கும் என துருக்கிய வெளியுறவு துறை அமைச்சகம் கூறியுள்ளது. மேலும், அமெரிக்காவின் வரி உயர்வு முடிவுக்கு எதிராக தக்க பதிலடி கொடுக்கப்படும் எனவும் எச்சரிக்கை விடுத்துள்ளது.

Read More