மஹிந்தவிடம் வாக்குமூலம் பெற்றமைக்கு எதிர்ப்பு

முன்னாள் ஜனாதிபதி மஹிந்த ராஜபக்ஷவிடம் குற்றப்புலனாய்வு திணைக்கள அதிகாரிகளால் வாக்குமூலம் பெறப்பட்டமைக்கு மினுவாங்கொட பிரதேச சபை தாமரை மொட்டு உறுப்பினர்கள் கறுப்பு பட்டி அணிந்து எதிர்ப்பு தெரிவித்துள்ளனர். அரசாங்கத்திற்கு மூன்றாண்டுகள் பூர்த்தியாகின்ற சந்தர்ப்பத்தில் முன்னாள் ஜனாதிபதியிடம் விசாரணை செய்வது அரசியல் தந்திரம் என்று அந்த உறுப்பினர்கள் குற்றம் சுமத்தியுள்ளனர். மினுவாங்கொட பிரதேச சபையின் மாதாந்த கூட்டம் இன்று உடுகம்பொல பிரதேச சபை கேட்போர் கூடத்தில் பிரதேச சபைத் தவிசாளரின் தலைமையில் இடம்பெற்றுள்ளது. பிரதேச சபைத் தவிசாளர் உட்பட உறுப்பினர்கள் கறுப்பு பட்டி அணிந்து கொண்டு இன்று சபைக்கு வருகை தந்துள்ளனர். அரசியல் பழிவாங்கல் தவிர ரணில் மைத்திரி அரசாங்கத்துக்கு செய்வதற்கு வேறொன்றுமில்லை என்று மினுவாங்கொட பிரதேச சபை தவிசாளர் இதன்போது கூறினார்.

Read More

ரிஷாட்டின் வாகன பாவனை சர்ச்சைக்கு முற்றுப்புள்ளி

கைத்தொழில் வர்த்தக அமைச்சர் ரிஷாட் பதியுதீனுக்கு ஒதுக்கப்பட்ட வாகனங்கள் தொடர்பில் இன்றைய (16) டெய்லி மிரர், லங்கா தீப பத்திரிகைகளில் வெளிவந்த செய்திகள் தொடர்பாக அமைச்சின் மேலதிகச் செயலாளர் TDSP பெரேரா திருத்தமொன்றை வெளியிட்டுள்ளார். குறித்த பத்திரிகை ஊடக நிறுவனத்தின் ஊடகவியலாளர், தரிந்து ஜயவர்தன என்பவரால் தகவல் அறியும் சட்டத்தின் கீழ் கோரப்பட்ட அமைச்சர் ரிஷாட்டின் வாகனப் பாவனை தொடர்பில் வழங்கப்பட்ட கடிதத்தில் தெரிவிக்கப்பட்ட வாகனங்களின் எண்ணிக்கையின் கணிப்பு தவறானதெனவும், அமைச்சர் ரிஷாட் பதியுதீனின் பாவனையில் 03 வாகனங்கள் மாத்திரமே இருப்பதாகவும் வெளியிட்டுள்ள திருத்தத்தில் தெரிவிக்கப்பட்டுள்ளது. குறித்த பத்திரிகைகளில், அமைச்சர் ஒருவருக்கு வழங்கப்படும் 3 வாகனங்களுக்கு மேலதிகமாக சட்டத்திற்கு முரணாக 7 வாகனங்கள் வழங்கப்பட்டுள்ளதாக தெரிவிக்கப்பட்டிருந்தது. ஆயினும் அமைச்சரின் தனிப்பட்ட செயலாளர், இணைப்பு செயலாளர், மக்கள் தொடர்பாடல் அலுவலர்கள் உள்ளிட்ட அதிகாரிகளின் வாகனங்களும் அத்தகவலில் தனித்தனியாக குறிப்பிடப்படாத…

Read More

காபுல் கொலைவெறித் தாக்குதலுக்கு ஐ.எஸ் பொறுப்பேற்றது

ஆஃப்கனிஸ்தான் தலைநகர் காபுலில், கடந்த புதன்கிழமை நடத்தப்பட்ட கொலைவெறித் தாக்குதலுக்கு இஸ்லாமிய அரசு என்று தங்களை வர்ணித்துக் கொள்ளும் ஐ.எஸ்.ஐ.எஸ் தீவிரவாத அமைப்பு பொறுப்பேற்றுக் கொண்டுள்ளது. குறித்த தினத்தில் நடத்தப்பட்ட 2 வெவ்வேறு தாக்குதல் சம்பவங்களில் 48 பேர் கொல்லப்பட்டனர். இது தங்களின் ‘கமாண்டோ ஆப்ரேஷன்’ என்று இந்த தாக்குதலை அந்த அமைப்பு கூறியுள்ளது. இந்த குண்டுவெடிப்பு சம்பவத்தில் குறைந்தது இரு தீவிரவாதிகள் கொல்லப்பட்டுள்ளதாக அதிகாரிகள் தெரிவித்துள்ளனர். கல்வி நிலையம் ஒன்றில் நடந்த தாக்குதலில் கொல்லப்பட்டவர்களில் அதிகமானவர்கள் மாணவர்கள் என்பதுடன், அவர்கள் பல்கலைக்கழக நுழைவுக்கான தேர்வை எதிர்கொள்ள காத்திருந்தவர்கள் என தெரிவிக்கப்பட்டுள்ளது. அதேவேளை, நேற்று புலனாய்வுத்துறை சார்ந்த பயிற்சி நிலையம் ஒன்றில் தாக்குதல் நடத்தப்பட்டமை குறிப்பிடத்தக்கது. இதனை கொமாண்டோ தாக்குதல் என குறிப்பிட்டுள்ள ஐ.எஸ் தீவிரவாத அமைப்பு, அதிக உயிரிழப்புகளை ஏற்படுத்தியுள்ளதாக கூறப்படுகிறது. இந்தநிலையில், இந்த சம்பவத்தில்…

Read More

வாஜ்பாயின் இறுதிக்கிரியை இன்று

மறைந்த முன்னாள் இந்திய பிரதமர் வாஜ்பாயின் இறுதிக்கிரியைகள் இன்று (வெள்ளிக்கிழமை) நடைபெறவுள்ளது. ஜனாதிபதி, துணை ஜனாதிபதி மற்றும் பிரதமர் ஆகியோருக்கு இறுதிக்கிரியைகள் நடத்தப்படும் ஸ்மிருதி சித்தால் அருகில், இன்று (வெள்ளிக்கிழமை) பிற்பகல் 1.30 மணக்கு இறுதிக் கிரியைகள் இடம்பெறவுள்ளதாக அறிவிக்கப்பட்டுள்ளது. அன்னாரின் பூதவுடல் டெல்லியிலுள்ள அவரது கிருஸ்ண மேனன் இல்லத்திற்கு நேற்றிரவு எடுத்துச் செல்லப்பட்டுள்ள நிலையில், இன்று காலை வரை அஞ்சலிக்காக வைக்கப்படும். அதனைத் தொடர்ந்து காலை 9 மணிக்கு பா.ஜ.க.தலைமையகத்தில் வைக்கப்பட்டுள்ளது. அதன் பின்னர் இறுதிக்கிரியைகள் இடம்பெறுமென தெரிவிக்கப்பட்டுள்ளது.

Read More

கொழும்பு – கொச்சின் விமான சேவை இடைநிறுத்தம்

இந்தியாவின் கேரள மாநிலத்தில் ஏற்பட்டுள்ள மழை, வெள்ளம் காரணமாக, கொழும்பு (CMB) மற்றும் இந்தியாவின் கொச்சி (COK) நகருக்கும் இடையிலான விமான சேவைகள் இரத்து செய்யப்பட்டுள்ளதாக, ஶ்ரீ லங்கன் விமான சேவை அறிவித்துள்ளது. அந்த வகையில் இன்று (15) முற்பகல் 9.00 மணிக்கு புறப்படவிருந்த UL 165 விமான சேவை இவ்வாறு இரத்து செய்யப்பட்டுள்ளமை குறிப்பிடத்தக்கது. மறு அறிவித்தல் வரை, குறித்த விமான சேவைகள் இடைநிறுத்தப்பட்டுள்ளதாக ஶ்ரீ லங்கன் விமான சேவை அறிவித்துள்ளது.

Read More

முன்னாள் ஜனாதிபதி மஹிந்த ராஜபக்‌ஸவிடம் வாக்குமூலம் பதிவுசெய்யத் தீர்மானம்

ஊடகவியலாளர் கீத் நொயாரை கடத்திச்சென்று சித்திரவதைக்கு உட்படுத்தியமை தொடர்பில் முன்னாள் ஜனாதிபதி மஹிந்த ராஜபக்ஸவிடம், எதிர்வரும் 17 ஆம் திகதி வாக்குமூலமொன்றைப் பதிவு செய்ய குற்றப்புலனாய்வுத் திணைக்களம் தீர்மானித்துள்ளது. கொழும்பு விஜேராமவில் அமைந்துள்ள மஹிந்த ராஜபக்ஸவின் இல்லத்தில் காலை 10 மணியளவில் இது தொடர்பான வாக்குமூலத்தைப் பதிவுசெய்ய குற்றப்புலனாய்வுத் திணைக்கள அதிகாரிகள் தீர்மானித்துள்ளதாக, பொலிஸ் ஊடகப்பேச்சாளர், பொலிஸ் அத்தியட்சகர் ருவன் குணசேகர தெரிவித்துள்ளார். குறித்த சம்பவம் தொடர்பில் குற்றப்புலனாய்வுத் திணைக்களத்துக்கு சென்று வாக்குமூலம் வழங்க முன்னாள் ஜனாதிபதிக்கு பல தடவைகள் அறிவிக்கப்பட்டும் அதற்கு பதிலளிக்காததால் இந்த நடவடிக்கை எடுக்கப்பட்டுள்ளதாக பொலிஸார் தெரிவித்துள்ளனர். இந்தச் சம்பவம் தொடர்பில் முன்னாள் பாதுகாப்பு செயலாளர் கோட்டாபய ராஜபக்ஸவினால், சபாநாயகர் கரு ஜெயசூரியவினூடாக குற்றப்புலாய்வுத் திணைக்களத்துக்கு வாக்குமூலமொன்று வழங்கப்பட்டுள்ளது. குறித்த சம்பவம் தொடர்பில் உதவி வழங்கிய இராணுவப் புலனாய்வுப் பிரிவின் முன்னாள் பணிப்பாளர்…

Read More

ஒரு கோடி ரூபா பெறுமதியான தங்க பிஸ்கட்டுக்களுடன் ஒருவர் கைது

ஒரு கோடியே முப்பது இலட்சம் ரூபா பெறுமதியான 20 தங்க பிஸ்கட்டுக்களுடன் இலங்கையர் ஒருவர் கட்டுநாயக்க விமான நிலையத்தில் வைத்து சுங்க அதிகாரிகளால் கைது செய்யப்பட்டுள்ளார். கொழும்பு பிரதேசத்தைச் சேர்ந்த 43 வயதுடைய வியாபாரி ஒருவரே இவ்வாறு கைது செய்யப்பட்டுள்ளனர். இன்று அதிகாலை 4.30 மணியளவில் சென்னையில் இருந்து வந்த ஶ்ரீலங்கன் விமான சேவைக்கு சொந்தமான UL 126 என்ற விமானத்தில் குறித்த நபர் கட்டுநாயக்க விமான நிலையத்தை வந்தடைந்துள்ளார். குறித்த நபர் அணிந்திருந்த காற்சட்டை பையில் 100 கிராம் நிறையுடைய 20 தங்க பிஸ்கட்களை பொலிஸார் கைப்பற்றியுள்ளனர். சம்பவம் தொடர்பில் விமான நிலைய சுங்க அதிகாரிகள் மேலதிக விசாரணைகளை மேற்கொண்டு வருகின்றனர்.

Read More

மஹிந்தவை விசாரணைக்கு வருமாறு குற்றப்புலனாய்வு பிரிவு அழைப்பு

எதிர்வரும் வௌ்ளிக்கிமை குற்றப்புலனாய்வு பிரிவில் ஆஜராகுமாறு முன்னாள் ஜனாதிபதி, இன்னாள் பாராளுமன்ற உறுப்பினர் மஹிந்த ராஜபக்ஷவிற்கு எழுத்து மூலம் அழைப்பு விடுக்கப்பட்டுள்ளது. குற்றப்புலனாய்வு பிரிவின் பொறுப்பாளர் சிரேஸ்ட பிரதி பொலிஸ்மா அதிபர் ரவி செனவிரத்னவின் கையொப்பத்தில் இந்த அழைப்பு அனுப்பப்பட்டுள்ளது. சிரேஸ்ட ஊடகவியலாளர் கீத் நொயர் கடத்தப்பட்டு தாக்கப்பட்ட சம்பவம் தொடர்பில் வாக்குமூலம் பெறும் நோக்கில் மஹிந்த ராஜபக்ஷ அழைக்கப்பட்டுள்ளார். தாக்குதல் சம்பவம் தொடர்பில் வாக்குமூலம் அளிக்குமாறு கீத் நொயருக்கு அழைப்பு விடுக்கப்பட்ட போதும் அவர் தவறியதால் இரண்டு அதிகாரிகள் சென்று அவுஸ்திரேலியா கான்பரேவில் சென்று வாக்குமூலம் பெற்றுள்ளனர். மஹிந்த ஆட்சி காலத்தில் அனைத்து ஊடகவியலாளர் கடத்தல் கொலை சம்பவங்களும் ஒரே குழுவினால் முன்னெடுக்கப்பட்டுள்ளதாக தெரிவிக்கப்பட்டுள்ளது.

Read More

சௌமியமூர்த்தி தொண்டமான் ஞாபகார்த்த மன்றத்தில் ஒரு கோடி ரூபா மோசடி செய்த நபர் கைது!

இலங்கை தொழிலாளர் காங்கிரஸ் ஸ்தாபக தலைவர் சௌமியமூர்த்தி தொண்டமானின் நினைவாக உருவாக்கப்பட்டு பாராளுமன்ற உறுப்பினர், இலங்கை தொழிலாளர் காங்கிரஸ் தலைவர் ஆறுமுகன் தொண்டமான் பொறுப்பு வகித்த கால்நடை அபிவிருத்தி அமைச்சின் கீழ் இயங்கிய பிரஜாசக்தி நிலையங்களுக்கும் பெருந்தோட்ட பகுதிகளுக்கும் செட்லைட், இணைய வசதியை பெற்றுக் கொடுக்கும் திட்டத்தில் ஒரு கோடி ரூபா மோசடி செய்ததாக குற்றம் சுமத்தப்பட்டுள்ள சௌமியமூர்த்தி தொண்டமான் ஞாபகார்த்த மன்றத்தின் முன்னாள் பிரதான நிதி பணிப்பாளர் செல்லதுரை லோகநாதன் கைது செய்யப்பட்டு விளக்கமறியலில் வைக்கப்பட்டுள்ளார். பிரஜாசக்தி நிலையங்கள் மற்றும் பெருந்தோட்ட பகுதிகளுக்கு உபகரணங்கள் மற்றும் இணைய வசதிகளை ஏற்படுத்திக் கொடுப்பதற்கு முன்னாள் அமைச்சர் ஆறுமுகன் தொண்டமானின் பணிப்பில் அவரது பொறுப்பில் இருந்த கால்நடை அபிவிருத்தி அமைச்சின் மூலமாக சௌமியமூர்த்தி தொண்டமான் ஞாபகார்த்த மன்றத்திற்கு 62 மில்லியன் ரூபா (6 கோடியே இருபது லட்சம்) நிதி…

Read More

UNP கட்சியில் மீண்டும் ஜோன்ஸ்டன்?

ஒன்றிணைந்த எதிர்கட்சியின் பாராளுமன்ற உறுப்பினர் ​ஜோன் பெனாண்டோ ஐக்கிய தேசியக் கட்சியுடன் இரகசிய பேச்சுவார்த்தை நடத்தி வருவதாக ஒன்றிணைந்த எதிர்கட்சியின் உறுப்பினர்கள் குற்றம் சுமத்தியுள்ளனர். ஒன்றிணைந்த எதிர்கட்சியின் செயற்குழுவில் பேசப்படும் விடயங்கள் உடனடியாக ஐக்கிய தேசியக் கட்சிக்கு தெரியவருவதாகவும் அதற்கு ஜோன்சன் பெனாண்டோ காரணம் எனவும் தெரிவிக்கப்பட்டுள்ளது. ஐக்கிய தேசியக் கட்சியின் முக்கிய அமைச்சர் ஒருவருடன் ஜோன்ஸ்டன் பெனாண்டோ தொடர்பு வைத்திருப்பதாக தெரியவருகிறது. இரவு நேரங்களில் ஜோன்ஸ்டன் குறித்த அமைச்சரை சந்திப்பதாக தகவல் வௌியாகியுள்ளது. இனிமேலும் ஒன்றிணைந்த எதிர்கட்சியுடன் இருக்க முடியாது எனவும் சந்தர்ப்பம் வரும்போது ஐக்கிய தேசியக் கட்சியுடன் இணைந்து கொள்வதாகவும் ஜோன்ஸ்டன் பெனாண்டோ பிரபல அமைச்சரிடம் கூறியுள்ளார். ஆனால் தன்மீது மஹிந்த ராஜபக்ஷவிற்கு சந்தேகம் வராம அளவிற்கு நடந்துகொள்ள ஜோன்ஸ்டன் முயற்சித்து வருகிறார். ஆனாலும் மஹிந்த, நாமலுக்கு ஜோன்ஸ்டனின் இருவேடம் தெரியும் என ஒன்றிணைந்த…

Read More