காபுல் கொலைவெறித் தாக்குதலுக்கு ஐ.எஸ் பொறுப்பேற்றது

ஆஃப்கனிஸ்தான் தலைநகர் காபுலில், கடந்த புதன்கிழமை நடத்தப்பட்ட கொலைவெறித் தாக்குதலுக்கு இஸ்லாமிய அரசு என்று தங்களை வர்ணித்துக் கொள்ளும் ஐ.எஸ்.ஐ.எஸ் தீவிரவாத அமைப்பு பொறுப்பேற்றுக் கொண்டுள்ளது. குறித்த தினத்தில் நடத்தப்பட்ட 2 வெவ்வேறு தாக்குதல் சம்பவங்களில் 48 பேர் கொல்லப்பட்டனர். இது தங்களின் ‘கமாண்டோ ஆப்ரேஷன்’ என்று இந்த தாக்குதலை அந்த அமைப்பு கூறியுள்ளது. இந்த குண்டுவெடிப்பு சம்பவத்தில் குறைந்தது இரு தீவிரவாதிகள் கொல்லப்பட்டுள்ளதாக அதிகாரிகள் தெரிவித்துள்ளனர். கல்வி நிலையம் ஒன்றில் நடந்த தாக்குதலில் கொல்லப்பட்டவர்களில் அதிகமானவர்கள் மாணவர்கள் என்பதுடன், அவர்கள் பல்கலைக்கழக நுழைவுக்கான தேர்வை எதிர்கொள்ள காத்திருந்தவர்கள் என தெரிவிக்கப்பட்டுள்ளது. அதேவேளை, நேற்று புலனாய்வுத்துறை சார்ந்த பயிற்சி நிலையம் ஒன்றில் தாக்குதல் நடத்தப்பட்டமை குறிப்பிடத்தக்கது. இதனை கொமாண்டோ தாக்குதல் என குறிப்பிட்டுள்ள ஐ.எஸ் தீவிரவாத அமைப்பு, அதிக உயிரிழப்புகளை ஏற்படுத்தியுள்ளதாக கூறப்படுகிறது. இந்தநிலையில், இந்த சம்பவத்தில்…

Read More

வாஜ்பாயின் இறுதிக்கிரியை இன்று

மறைந்த முன்னாள் இந்திய பிரதமர் வாஜ்பாயின் இறுதிக்கிரியைகள் இன்று (வெள்ளிக்கிழமை) நடைபெறவுள்ளது. ஜனாதிபதி, துணை ஜனாதிபதி மற்றும் பிரதமர் ஆகியோருக்கு இறுதிக்கிரியைகள் நடத்தப்படும் ஸ்மிருதி சித்தால் அருகில், இன்று (வெள்ளிக்கிழமை) பிற்பகல் 1.30 மணக்கு இறுதிக் கிரியைகள் இடம்பெறவுள்ளதாக அறிவிக்கப்பட்டுள்ளது. அன்னாரின் பூதவுடல் டெல்லியிலுள்ள அவரது கிருஸ்ண மேனன் இல்லத்திற்கு நேற்றிரவு எடுத்துச் செல்லப்பட்டுள்ள நிலையில், இன்று காலை வரை அஞ்சலிக்காக வைக்கப்படும். அதனைத் தொடர்ந்து காலை 9 மணிக்கு பா.ஜ.க.தலைமையகத்தில் வைக்கப்பட்டுள்ளது. அதன் பின்னர் இறுதிக்கிரியைகள் இடம்பெறுமென தெரிவிக்கப்பட்டுள்ளது.

Read More

காபூலில் கல்வி நிலையம் மீது தாக்குதல்: 48 பேர் கொலை

ஆப்கானிஸ்தான் தலைநகர் காபூலில் நடத்தப்பட்ட தற்கொலைக் குண்டுத்தாக்குதலில் 48 பேர் கொல்லப்பட்டுள்ளதுடன் 67 பேர் காயமடைந்துள்ளதாக அந்நாட்டு சுகாதார அமைச்சு தெரிவித்துள்ளது. காபூலிலுள்ள கல்வி நிலையமொன்றில் இந்த தாக்குதல் மேற்கொள்ளப்பட்டுள்ளது. பல்கலைக்கழக பரீட்சைக்காக மேலதிக வகுப்புகளில் ஈடுபட்டிருந்த மாணவர்கள் இந்த தாக்குதலில் கொல்லப்பட்டுள்ளதாக ஆப்கான் பாதுகாப்பு அமைச்சு குறிப்பிட்டுள்ளது. ஷியா முஸ்லிம்கள் அதிகளவில் வாழும் பகுதியில் இந்தத் தாக்குதல் நடத்தப்பட்டுள்ளதாக சர்வதேச செய்திகள் குறிப்பிடுகின்றன. ஐ.எஸ் பயங்கரவாதிகளால் ஷியா முஸ்லிம்களை குறிவைத்து பல தாக்குதல்கள் நடத்தப்பட்டுள்ளமை குறிப்பிடத்தக்கது.

Read More

பாரதியார் எழுதியது போல் இந்தியா மகாதேசமாக உருவெடுக்கும் – நரேந்திர மோடி

மகாகவி பாரதியார் எழுதியது போன்று இந்தியா மகாதேசமாக உருவெடுக்கும் என சுதந்திர தின உரையில் பாரதப் பிரதமர் நரேந்திர மோடி தெரிவித்துள்ளார். அனைத்துத் தடைகளையும் களைவது எப்படி என்பதையும் இந்தியா உலகிற்கு காட்டும் எனவும் மோடி குறிப்பிட்டுள்ளார். இந்தியாவின் 72ஆவது சுதந்திரதினத்தை முன்னிட்டு டில்லி ராஜ்கோட்டில் அமைந்துள்ள மகாத்மா காந்தி நினைவிடத்தில் பிரதமர் மோடி அஞ்சலி செலுத்தியதைத் தொடர்ந்து, செங்கோட்டைக்கு வந்த அவருக்கு முப்படை வீரர்களின் அணிவகுப்பு மரியாதை வழங்கப்பட்டது. 21 குண்டுகள் முழங்க, தேசிய கீதம் இசைக்க, செங்கோட்டையில் நாட்டின் மூவர்ணக் கொடியை மோடி 5ஆவது முறையாக ஏற்றி வைத்துள்ளார். இதேவேளை, Ayushman Bharat என்ற பெயரிலான மிகப்பெரிய சுகாதாரத் திட்டம் மோடியினால் அறிவிக்கப்பட்டுள்ளது. இந்தத் திட்டத்தின் மூலம் 50 கோடி இந்தியர்கள் பயன்பெறவுள்ளனர். பொருளாதார ரீதியில் பின்தங்கியுள்ள மக்களுக்காக இந்தத் திட்டம் முன்னெடுக்கப்படவுள்ளதாக அவர்…

Read More

ஜகார்த்தாவில் காற்று மாசடைவது அதிகரித்துள்ளதாக எச்சரிக்கை

ஆசிய விளையாட்டு ஆரம்பமாவதற்கு இன்னும் நான்கு நாட்களே உள்ள நிலையில் இந்தோனேஷியாவின் ஜகார்த்தாவில் ஆரோக்கியமற்ற காற்று மற்றும் தெற்கு சுமத்ராவிலுள்ள பலேம்பங் வனப்பகுதியில் காட்டுத்தீ அச்சம் வெளியிடப்பட்டுள்ளது. இந்தோனேசியாவின் பரந்த மூலதனத்தில் போக்குவரத்து நெரிசல் என்பது உலகில் மிக மோசமான நிலையில் உள்ளது. அத்துடன், காற்றின் தரத்தை அதிகரிப்பதற்கு நீண்டகாலமாக போராடிக் கொண்டிருக்கும் இந்தோனேஷியா பாதுகாப்பற்றதாக உலக சுகாதார அமைப்பு வரையறை செய்துள்ளது. இந்நிலையில் இது குறித்து கருத்துரைக்கும் ஜகார்த்தா குடியிருப்பாளர் ஒருவர், உடல் ஆரோக்கியத்தில் கவலையளிப்பதாக குறிப்பிட்டுள்ளார். அத்துடன், தலைநகரின் காற்றின் தரத்திற்கு போக்குரத்து முறையே காரணம் எனவும் அவர் குற்றம் சுமத்தியுள்ளார். ‘காற்றின் தரம் மிகக் கவலையளிப்பதாகவும் அடுத்த தலைமுறைக்கு தீங்கு விளைவிக்கும் என்பதுடன் உடல்நிலைக்கு பாதிப்பையும் ஏற்படுத்துகிறது’ என்கிறார். அதே போன்று பொதுப் போக்குவரத்து ஒழுங்குபடுத்தப்படவில்லை. பழைய வாகனங்கள் மாசாக்கத்தை ஏற்படுத்தியுள்ளன. இதனை…

Read More

அமெ. மின்னணு சாதனங்களை புறக்கணிக்க திட்டமிடும் துருக்கி

துருக்கியில் தடுத்து வைத்திருக்கும் அமெரிக்க பாதிரியார் விவகாரத்தில் துருக்கி மீது அமெரிக்கா கொண்டுவந்த தடைகளுக்கு பதிலடியாக அமெரிக்காவின் மின்னணு சாதனங்களை புறக்கணிக்கப்போவதாக துருக்கி ஜனாதிபதி ரிசப் தையிப் எர்துவான் குறிப்பிட்டுள்ளார். “அமெரிக்க மின்னணு பொருட்களை நாம் புறக்கணிப்போம்” என்று தொலைக்காட்சியில் உரையாற்றிய எர்துவான் குறிப்பிட்டார். “(அமெரிக்காவிடம்) ஐபோன் இருந்தால் மறுபக்கம் சாம்சுங் உள்ளது” என்று அவர் கூறினார். இதில் அமெரிக்க நிறுவனமான ஆப்பிளின் கைபேசியையே அவர் குறிப்பிட்டு கூறியிருந்தார். சாம்சுங் தென் கொரியாவில் உற்பத்தி செய்யப்படும் கைபேசி ஆகும். “எம்மிடம் வீனஸ் மற்றும் விஸ்டன் உள்ளது” என்று எர்துவான் கூறினார். இவை துருக்கியில் மின்னணு சாதனங்கள் உற்பத்தி செய்யும் நிறுவனங்களாகும். தீவிரவாத குற்றச்சாட்டில் அமெரிக்க பாதிரியார் அன்ட்ரூ பிருன்சன் துருக்கியில் தடுத்துவைக்கப்பட்டிருப்பது இரு நேட்டோ கூட்டணி நாடுகளுக்கும் இடையில் விரிசலை ஏற்படுத்தியுள்ளது. இதனால் அமெரிக்க டொலருக்கு இணையாக…

Read More

இத்தாலியில் பாலமொன்று சிதைந்ததில் 26 பேர் பலி

இத்தாலியின் ஜெனோவா நகரிலுள்ள நெடுஞ்சாலை பாலம் ஒன்றில் ஏற்பட்ட இடிபாடுகளில் சிக்கி குறைந்தது 26 பேர் உயிரிழந்துள்ளதாக பொலிஸார் தெரிவித்துள்ளனர். அதேநேரம், இந்தச் சம்பவத்தின்போது பல வாகனங்கள் வீழ்ந்ததில் மேலும் 15 பேர் படுகாயமடைந்துள்ளனர். அத்தோடு, இன்னும் 12 பேரைக் காணவில்லை எனவும் கூறப்படுகின்றது. சம்பவ இடத்தில் சுமார் 300 மீட்புப் படையினர் மீட்புப் பணியில் ஈடுபட்டு வருகின்றனர். இடிபாடுகளுக்குள் இன்னும் மக்கள் சிக்கியிருக்கலாம் என நம்பப்படுவதால் தொடர்ந்தும் மீட்புப் பணியை முன்னெடுப்பதாக ஜெனோவா பொலிஸ் பேச்சாளர் அலெஸ்ஸாண்டரா புக்கி (Alessandra Bucci) தெரிவித்துள்ளார்.

Read More

இந்தியாவின் 72ஆவது சுதந்திர தினம் இன்று

இந்தியாவின் 72ஆவது சுதந்திரதினம் இன்று (15) கொண்டாடப்படுகின்றது. பிரித்தானிய காலனித்துவ ஆட்சிக்குட்பட்டிருந்த இந்தியாவிற்கு, பிரித்தானிய பாராளுமன்றத்தில் நிறைவேற்றப்பட்ட 1947 ஆம் ஆண்டு இந்திய சுதந்திர சட்டத்தின் மூலமாக, சட்டவாக்கத்திற்கான இறைமை இந்திய அரசியலமைப்பு சபைக்கு வழங்கப்பட்டது. இதன்படி, 1947 ஆம் ஆண்டு ஆகஸ்ட் மாதம் 15 ஆம் திகதி இந்தியா சுதந்திரமடைந்தது. இந்தியா சுதந்திரமடையும்போது பிரித்தானியாவின் பிரதமராக கிளமென்ட் ரிச்சட் அட்லீ (Clement Richard Attlee) பதவி வகித்திருந்தார். சுதந்திர இந்தியாவின் முதலாவது பிரதமராக ஜவகர்லால் நேரு இந்தியக் கொடியினை ஏற்றினார். இதேவேளை, இன்றைய 72ஆவது சுதந்திரதினம் செங்கோட்டையில் நடைபெறவுள்ளதுடன், பிரதமர் நரேந்திர மோடி அங்கு உரையாற்றவுள்ளார். அத்துடன், பிரதமர் மோடியினால் Ayushman Bharat என்ற பெயரிலான மிகப்பெரிய சுகாதாரத் திட்டமொன்று அறிவிக்கப்படவுள்ளது.

Read More

பிரித்தானிய பாராளுமன்ற சுவரில் கார் மோதியதில் பலர் காயம்

பிரித்தானிய பாராளுமன்றத்தின் பாதுகாப்பு சுவரின் மீது கார் ஒன்று மோதியதில் பலர் காயமடைந்துள்ளதாகப் பொலிஸார் தெரிவித்துள்ளனர். சம்பவத்தைத் தொடர்ந்து, குறித்த காரின் சாரதி கைது செய்யப்பட்டுள்ளார். இந்தச் சம்பவம் தொடர்பில் மேலதிக தகவல்கள் கிடைக்கும் பட்சத்தில் அவற்றை வெளியிடுவதாக லண்டன் பொலிஸார் தமது டுவிட்டர் பக்கத்தில் குறிப்பிட்டுள்ளனர். மேலும், இது பயங்கரவாத செயலோடு தொடர்புடையதா இல்லையா என்பது குறித்து அவர்களால் உடனடியாகக் கூறமுடியவில்லை எனவும் பொலிஸார் தெரிவித்துள்ளனர்.

Read More

சவுதி வான்வழி தாக்குதல் – 46 கிளச்சியாளர் பலி

ஏமனில் கடந்த 24 மணித்தியாலங்களில் ஹவுதி கிளர்ச்சியாளர்களை குறிவைத்து, சவுதி அரேபிய கூட்டுப்படையினர் நடத்திய வான்வழித் தாக்குதல்களில் 46 கிளர்ச்சியாளர்கள் கொல்லப்பட்டனர். துஹாயத், ஜபித், எல் உசேனியா உள்ளிட்ட மாவட்டங்களில் இந்த தாக்குதல்கள் முன்னெடுக்கப்பட்டன. சவுதி அரேபிய கூட்டணி படையினரின் உதவியுடன் ஹவுதி கிளர்ச்சியாளர்களிடம் இருந்து அல் தஹார் மாவட்டத்தில் சில பகுதிகளை ஏமன் படைகள் மீண்டும் கைப்பற்றியுள்ளதாக தெரிவிக்கப்பட்டுள்ளது. ஏமனில் கடந்த 2015ஆம் ஆண்டு முதல் ஜனாதிபதி மன்சூர் ஹாதி படைகளுக்கும், ஹவுதி கிளர்ச்சியாளர்களுக்கும் இடையே மோதல்கள் இடம்பெற்று வருகின்றன. இதன்போது, ஹவுதி கிளர்ச்சியாளர்களுக்கு ஈரான் ஆதரவளித்து வருகின்றது. அதேவேளை, அரச அதிபருக்கு ஆதரவான படைகளுக்கு ஒத்துழைப்பு வழங்கும் வகையில் சவுதி கூட்டுப்படைகள் களமிறங்கி தாக்குதல் நடத்துகின்றன. இந்த விடயம் ஹவுதி கிளர்ச்சியாளர்களுக்கு சவுதி அரேபியா மீது தீராப் பகையை தோற்றுவித்துள்ளது. இதன் காரணமாக அண்மைக்…

Read More