பிரதமர் ரணில் நேற்று கிளிநொச்சி விஜயம்

பிரதமர் ரணில் விக்கிரமசிங்க நேற்று (14 ) கிளிநொச்சிக்கு விஜயம் செய்தார். நேற்று இரவு ஏழு மணியளவில் கிளிநொச்சிக்கு வருகை தந்த அவர் கிளிநொச்சி கரடிபோக்குச் சந்திக்கருகிலுள்ள தும்பினி விகாரைக்குச் சென்று விகாராதிபதியை சந்தித்து கலந்துரையாடியதுடன் வழிபாடுகளிலும் ஈடுபட்டார். இரவு கிளிநொச்சியில் தங்கியிருந்த பிரதமர் இன்று (15) மன்னார் மடு தேவாலயத்துக்கு சென்று வழிபாடுகளில் ஈடுபடுவாரென என தெரியவருகிறது.

Read More

ஆளுநர் எழுத்து மூலம் அறிவித்தால் இராஜினாமா

வடமாகாண அமைச்சர்களின் இராஜினாமா தொடர்பாக எழுத்து மூலம் முதலமைச்சருக்கு ஆளுநர் அறிவித்தால் இராஜினாமா செய்வது தொடர்பில் பரிசீலனை செய்யப்படுமென வடமாகாண மகளிர் விவகார,கூட்டுறவுத்துறை அமைச்சர் அனந்தி சசிதரன் தெரிவித்தார். தற்கால நிைலமைகள் தொடர்பில் பத்திரிகையாளர்களுக்கு விளக்கமளிக்கும் கூட்டம் நேற்று (14) மாலை மகளிர் விவகார அமைச்சின் அலுவலகத்தில் நடைபெற்றது. இதில் வடமாகாண அமைச்சர்கள் பதவி விலக வேண்டுமென ஆளுநர் உரையாற்றியமை தொடர்பாக கேள்வி எழுப்பப்பட்டது. இதற்கு பதிலளிக்ைகயிலேயே மாகாண அமைச்சர் இவ்வாறு கூறினார். அமைச்சர்களின் இராஜினாமா தொடர்பில் என்ன முடிவுகள் எடுக்கப்பட்டுள்ளதென ஊடகவியலாளர்களினால் எழுப்பப்பட்ட கேள்விக்குப் பதில் அளித்த அவர் தெரிவித்ததாவது, வடமாகாண ஆளுநர், அமைச்சர்களின் இராஜினாமா தொடர்பாக இவ்வாறான நிலைப்பாட்டைக் கொண்டிருந்தால், எழுத்து மூலம் முதலமைச்சருக்கு தெரியப்படுத்தினால், அந்த நடவடிக்கைகள் தொடர்பில் பரிசீலிப்பதற்கு ஏதுவாக இருக்கும். இராஜினாமா தொடர்பாக உத்தியோகபூர்வ அறிவித்தல்கள், எதுவும், முதலமைச்சருக்கோ எமக்கோ…

Read More

வாக்காளர் இடாப்பைக் காட்சிப்படுத்தும் நடவடிக்கை ஆரம்பம்

இந்த வருடத்திற்கான வாக்காளர் இடாப்பைக் காட்சிப்படுத்தும் நடவடிக்கை ஆரம்பிக்கப்பட்டுள்ளது. வாக்காளர் இடாப்பில் பெயர் உள்ளடக்கப்படாதவர்களுக்குக் கோரிக்கை விண்ணப்பப்படிவங்களை சமர்ப்பிப்பதற்கு வாய்ப்பளிக்கப்பட்டுள்ளதாக, தேசிய தேர்தல்கள் ஆணைக்குழுவின் பிரதித் தேர்தல்கள் ஆணையாளர் சமந்த ஜயசிங்க தெரிவித்துள்ளார். அதேநேரம், எதிர்வரும் 9ஆம் திகதி வரை குறித்த கோரிக்கை விண்ணப்பங்களை சமர்ப்பிக்க முடியும் எனவும் அவர் தெரிவித்துள்ளார். இதேவேளை, வாக்காளர் இடாப்பை அத்தாட்சிப்படுத்தும் நடவடிக்கை எதிர்வரும் ஒக்டோபர் 5ஆம் திகதி நடைபெறவுள்ளதாக தேர்தல்கள் ஆணைக்குழு தெரிவித்துள்ளது.

Read More

புதிய சம்பள ஆணைக்குழுவொன்றை ஸ்தாபிக்க அமைச்சரவை அனுமதி

அரச பிரிவின் ஊதிய அதிகரிப்பு மற்றும் முரண்பாடுகளை நிவர்த்திப்பதற்கான புதிய சம்பள ஆணைக்குழுவொன்றை ஸ்தாபிக்க அமைச்சரவை அனுமதி வழங்கியுள்ளது. அரச சேவையின் சம்பள அதிகரிப்பு மற்றும் ரயில் சேவை உள்ளிட்ட சில சேவைகளில் காணப்படும் சம்பள முரண்பாட்டை நீக்குவது தொடர்பில் ஆராய இந்த ஆணைக்குழு நியமிக்கப்படுவதாக நிதி மற்றும் ஊடகத்துறை அமைச்சு வௌியிட்டுள்ள அறிக்கையில் குறிப்பிடப்பட்டுள்ளது. இதற்கான பரிந்துரைகளை முன்வைப்பதற்கு ஆணைக்குழுவிற்கு இரண்டு மாதங்கள் கால அவகாசம் வழங்கப்பட்டுள்ளது. அரச பிரிவில் சம்பளம் மற்றும் கொடுப்பனவு தொடர்பில் தற்போது நடைமுறைப்படுத்தப்படும் சுற்றுநிரூபங்களின் விதிமுறைகள் தொடர்பில் கவனம் செலுத்தி, அதன் ஊடாக அரச சேவைக்கு ஏற்படும் அழுத்தங்கள் குறித்து ஆணைக்குழு ஆராயவுள்ளது. ஆணைக்குழுவின் பரிந்துரைகளுக்கு அமைய, அரச சேவைக்காக புதிய சம்பள முறையொன்றை அறிமுகப்படுத்துவதற்கும் எதிர்பார்த்துள்ளதாக நிதி மற்றும் ஊடகத்துறை அமைச்சு வௌியிட்டுள்ள அறிக்கையில் குறிப்பிடப்பட்டுள்ளது.

Read More

11 மாணவர்கள் கடத்தல்: லெப்டினன்ட் கமான்டர் சந்தன பி. ஹெட்டியாராச்சி கைது

நேவி சம்பத்’ என்றழைக்கப்படும் லெப்டினன்ட் கமான்டர் சந்தன பி. ஹெட்டியாராச்சி குற்றப்புலனாய்வுப் பிரிவினரால் கைது செய்யப்பட்டுள்ளார். அவர் இன்று கொழும்பு மேலதிக நீதவான் நீதிமன்றத்தில் ஆஜர்ப்படுத்தப்பட்டுள்ளார். 2008 இல் 11 மாணவர்கள் கடத்தப்பட்டு காணாமல் ஆக்கப்பட்ட சம்பவம் தொடர்பில் குற்றப்புலனாய்வு பிரிவினரால் இன்று அவர் கைது செய்யப்பட்டார். லெப்டினன்ட் கமான்டர் சந்தன பி. ஹெட்டியாராச்சியை பார்த்தவுடனேயே கைது செய்யுமாறு கோட்டை நீதவான் நீதிமன்றத்தினால் மூன்று தடவைகள் பிடியாணை பிறப்பிக்கப்பட்டிருந்தமை குறிப்பிடத்தக்கது.

Read More

இன்றும் தொடரும் வெலிக்கடை கவனயீர்ப்புப் போராட்டம்

வெலிக்கடை சிறைச்சாலையில் பெண் கைதிகள் சிலர் முன்னெடுத்த கவனயீர்ப்பு நடவடிக்கை இன்றும் தொடர்கின்றது. வெலிக்கடை சிறைச்சாலையில் பெண் கைதிகள் சுமார் 20 பேர் சிறைச் சாலையின் கூரை மீதேறி மேற்கொண்டுவரும் கவனயீர்ப்பு நடவடிக்கை நேற்று (13) காலை முதல் முன்னெடுக்கப்பட்டு வருகின்றது. இது குறித்து ஆராய்வதற்கு இன்று (14) காலை அதிகாரியொருவரை சிறைச்சாலைக்கு அனுப்பவுள்ளதாக நீதியமைச்சு தெரிவித்துள்ளது. எதிர்ப்பு நடவடிக்கையைக் கைவிட்டு பேச்சுவார்த்தையில் கலந்து கொள்ளுமாறு அவர்களுக்கு தெரியப்படுத்துமாறு, சிறைச்சாலைகள் ஆணையாளருக்கு அறிவித்துள்ளதாக அமைச்சின் செயலாளர் டப்ளியூ.எம்.எம்.ஆர். அதிகாரி தெரிவித்துள்ளார். கவனயீர்ப்பு நடவடிக்கையை கைவிடாவிடின் எவ்விதப் பேச்சுவார்த்தைக்கும் இடமில்லை எனவும் அவர் மேலும் குறிப்பிட்டார். இது தொடர்பில் சிறைச்சாலைகள் ஆணையாளர் துஷார உபுல்தெனியவிடம் வினவியபோது, அமைச்சின் அனுமதியின்றி இது தொடர்பில் கருத்துத் தெரிவிக்க முடியாது என கூறினார். போதைப்பொருள் தொடர்பில் கைது செய்யப்பட்ட பெண்களே இவ்வாறு கவனயீர்ப்பில்…

Read More

கலாவெவ தேசிய பூங்காவிலும் ஆணொருவரின் சடலம்

கலாவெவ தேசிய பூங்காவில் கல்கொடவல பகுதியில் ஆணொருவரின் சடலம் கண்டெடுக்கப்பட்டுள்ளது. குறித்த நபர் மூன்று நாட்களுக்கு முன்னர் உயிரிழந்திருக்கலாம் என பொலிஸார் சந்தேகம் வௌியிட்டுள்ளனர். கிடைத்த தகவலுக்கமைய சடலம் மீட்கப்பட்டுள்ளதுடன் நீதவான் விசாரணை இடம்பெறவுள்ளது. சடலமாக மீட்கப்பட்ட நபர் 40 மற்றும் 45 வயதுக்குட்பட்டவராக இருக்கலாம் எனவும் பொலிஸார் தெரிவித்தனர்.

Read More

பாகிஸ்தான் கடற்படைக் கப்பல் இலங்கை வருகை

பாகிஸ்தான் கடற்படைக்கு சொந்தமான “டெசிக் பீ.எம்.எஸ்.எஸ்”காஷ்மீர் கப்பல் நல்லெண்ண விஜயம் மேற்கொண்டு இன்று கொழும்பு துறைமுகத்தை வந்தடைந்தது. நான்கு நாட்கள் பயணத்துக்காக வருகை தந்துள்ள குறித்த கப்பல், நாட்டில் தரித்து நிற்கும் காலப்பகுதியில் இலங்கையின் முக்கிய கப்பல் துறைமுகங்களுக்கு செல்லவுள்ளதுடன் கப்பலில் வருகை தந்துள்ளவர்கள், இலங்கை கடற்படையினால் ஏற்பாடு செய்யப்பட்டுள்ள நட்புறவு கைப்பந்து போட்டியொன்றிலும் பங்கேற்கவுள்ளனர். 95 மீட்டர் நீளமும் 12.2 மீட்டர் அகலமும் கொண்ட குறித்த டெசிக் பீ.எம்.எஸ்.எஸ் காஷ்மீர் கப்பல் 1550 டொன் கொள்ளளவு கொண்டதென்பதுடன் அதிகாரிகள் ஊழியர்கள் உள்ளிட்ட 74 பேர் வருகை தந்துள்ளனர். குறித்த கப்பல் எதிர்வரும் 16 ஆம் திகதி நாட்டில் இருந்து புறப்படவுள்ளதாக கடற்படை தெரிவித்துள்ளது.

Read More

எதிர்க்கட்சி என கூறுபவர்கள் எதிர்க்கட்சியினர் இல்லை

தற்போது பாராளுமன்றத்தில் எதிர்க்கட்சி என கூறுபவர்கள் எதிர்க்கட்சியினர் இல்லை எனவும் அவர்கள் அரசாங்கத்தின் ஒரு பகுதியினர் எனவும் பாராளுமன்ற உறுப்பினர் வாசுதேவ நாணயக்கார தெரிவித்துள்ளார். இன்று (13) கொழும்பில் இடம்பெற்ற ஊடகவியலாளர் சந்திப்பொன்றின் போதே அவர் இவ்வாறு தெரிவித்துள்ளார். அத்துடன் எதிர்க்கட்சி தலைவர் யார் என்பது தொடர்பில் பாராளுமன்றத்தில் விவாதிக்கப்படும் சந்தர்ப்பத்தில் எதிர்க்கட்சியின் உரிமைக்காக அரசாங்கம் மிகவும் மும்முரமான முறையில் முன்னிற்பதாக அவர் தெரிவித்துள்ளார். இதன்மூலம் தெரியவருவது, அரசாங்கத்தின் தேவைக்காக அரசாங்கத்தினால் நியமிக்கப்பட்ட எதிர்க்கட்சியாக தற்போதைய எதிர்கட்சி கருதப்படுவதாகவும் அவர் மேலும் தெரிவித்துள்ளார்.

Read More

சௌமியமூர்த்தி தொண்டமான் ஞாபகார்த்த மன்றத்தில் ஒரு கோடி ரூபா மோசடி செய்த நபர் கைது!

இலங்கை தொழிலாளர் காங்கிரஸ் ஸ்தாபக தலைவர் சௌமியமூர்த்தி தொண்டமானின் நினைவாக உருவாக்கப்பட்டு பாராளுமன்ற உறுப்பினர், இலங்கை தொழிலாளர் காங்கிரஸ் தலைவர் ஆறுமுகன் தொண்டமான் பொறுப்பு வகித்த கால்நடை அபிவிருத்தி அமைச்சின் கீழ் இயங்கிய பிரஜாசக்தி நிலையங்களுக்கும் பெருந்தோட்ட பகுதிகளுக்கும் செட்லைட், இணைய வசதியை பெற்றுக் கொடுக்கும் திட்டத்தில் ஒரு கோடி ரூபா மோசடி செய்ததாக குற்றம் சுமத்தப்பட்டுள்ள சௌமியமூர்த்தி தொண்டமான் ஞாபகார்த்த மன்றத்தின் முன்னாள் பிரதான நிதி பணிப்பாளர் செல்லதுரை லோகநாதன் கைது செய்யப்பட்டு விளக்கமறியலில் வைக்கப்பட்டுள்ளார். பிரஜாசக்தி நிலையங்கள் மற்றும் பெருந்தோட்ட பகுதிகளுக்கு உபகரணங்கள் மற்றும் இணைய வசதிகளை ஏற்படுத்திக் கொடுப்பதற்கு முன்னாள் அமைச்சர் ஆறுமுகன் தொண்டமானின் பணிப்பில் அவரது பொறுப்பில் இருந்த கால்நடை அபிவிருத்தி அமைச்சின் மூலமாக சௌமியமூர்த்தி தொண்டமான் ஞாபகார்த்த மன்றத்திற்கு 62 மில்லியன் ரூபா (6 கோடியே இருபது லட்சம்) நிதி…

Read More